انا فى لحظات غيابك ..

سكنتي بداخلي ( ورده )

نثرتيني (عبير) .. (أشواق)

رويـتـك لـيـن مـاصـارت عـروقـك بالحـشـى تـسـري
كبرتـي فـي زوايايـا .. كبـر حبـك وصــدري ضــاق
زفـر دمعـة ألــم صعـبـه رغــم وصـلـك وأنــا مــدري
حبيبـي !! شـوف هالدمعـه.. تـهـلّ بـداخـل الاعـمـاق
تخـاف البعـد وال(هجـران ) تزيـد ألهـم فـي صــدري
أنــا فــي لحـظـة غيـابـك/ بـعـد شـوقــك أرد أشـتــاق
متـى ماقلـت يآآآعمـري .. أحـس الكـون بـي يـجـري
حبيبـي ! يابعـد كلّـي / يـاضـيّ ال(نــور) والاشــراق
تـخـيـل إنـــي اتـبـعـثـر إذا إســمــك عــلــي يــطــري
كبـيـرة قـلــب يـاروحــي (جمـيـلـه) وكـلّــك ِ أخـــلاق
أدب ممـزوج فـي طيـبـه (حـنـان)ك بالحـشـى مـقـري
هــواك ِ: قلـبـي الـصــادق هـــواك ِِ: والـهــوى أذواق
فتح باب الـ(غـلا) يمـك وجيتـك يا(ضيـا).. (فجـر)ي
أبكتب في هـواك ِ حـروف / وأبعثرهـا علـى الاوراق
وأبـرسـم كــل ماشفـتـه وأبـغـرق فــي بـحـر شـعــري
وأبـنـزف لـيـن ماتـوقـف (مشـاعـر) شـاعـر ٍ بـــراق
نزفلـك كـل مايملـك مــن ( أحــلام ) الـهـوى الـعـذري
حبيبـي آآآه لـو تـدري !! عـن أشـواقـي عــن الخـفـاق
تجينـي تلمـلـم جـروحـي يــروق الـمـوج فــي بـحـري
تــرى روحــي ولحظـاتـي وعيـنـي والعـمـر يـنـسـاق
لـجـل غـمـزه مــن عيـونـك وخــد ٍ بـــارق ٍ زهـــري
وحـقـك أنــي آصـونــك وأصـــون الـعـهـد والمـيـثـاق
إلـيـن العـمـر بــي يفـنـى وانــا لــك

(يابـعـد عـمـري)