حلمت زمان
ورغم ان حلمى طواه النسيان
الا انى لسه باحلم
جرحنى الحلم بصدوده
ونكرانه لاحضانى
ورغم الجرح اللى فى قلبى
رجعت احلم من تانى
كان حلمى فى يوم نور ونار
وحقيقتى عتمه شقت قلب النهار
والحلا فى عيونى صار مرار
اتدبح حلمى قبل الاوان
وقلت عليه العوض فى اللى كان
مشيت فى سكه
كنت تايهه دى الحقيقه وليها مش ناكره
صادفت فيها احلام كتير
كان كل مره اقول ده حلمى الاخير
وفضلت احلم
والجرح يكبر
والعمر يهرب من بين كفوفى
وفى عز توهتى
وفى عز جرحى
قابلت حلم جفف دموعى
قاللى تعالى
يا حب غالى
ده انتِ فى عيونى
ملامحك دليلى
وعشق روحك
قمرى فى ليلى
مش قادره اصدق
انا لسه باحلم ؟!!!
كنت فاكره انى خلاص
ما عدت اقدر حتى افكر
كان حلمى تانى شىء محال
بفضلك انت
اكتشفت انى
قادره اقول انا لسه باحلم
ولسه باحلم بيك يا عمرى
امد ايدى الاقيك فى حضنى
ولسه باحلم بلحظه جايه
اعيش معاك اجمل حكايه
مالهاش نهايه
فوق القمر
تحت السحاب
فى قلب المطر
لو لينا عش فوق الشجر
ها يبقى حلمى بيك اكتمل
وابقى فى زمن مافيهوش محال
لسه باحلم
تغفل عيونى وجواها صورتك
عاشقه ملامحك من يوم ما شفتك
ومن غير ما اشوفك
كفايه عشقك
رسمك فى قلبى فى صورة ملاك
لسه باحلم
اعيش معاك
لو لحظه واحده
واموت فداك
لسه باحلم
وها افضل احلم
بيوم لقاك
وكفايه انى
علشانك انت
لسه باحلم
الخميس أكتوبر 30, 2014 10:36 pm من طرف 
